2024 сылга биллиилээх государственнай уонна общественнай деятель, Саха Сирин спордун историятыгар күргүөмнээх хамсааһыны төрүттээччилэртэн биирдэстэрэ, өрөспүүбүлүкэҕэ көҥүл тустуу сайдыытыгар сүҥкэн өҥөнү оҥорбут, Саха АССР спорткомитетын салайааччыта, ССРС физическэй култууратын туйгуна Николай Николаевич Тарскай төрөөбүтэ 100 сылын туолар.
Бу бэлиэ сылы көрсө, улуус баһылыга Алексей Федотов кыттыылаах үбүлүөйү тэрийэн ыытыы туһунан сүбэ мунньах буолан ааста. Мунньахха нэһилиэк баһылыга Михаил Белолюбскай үбүлүөйгэ бэлэмнэнии үлэтэ саҕаламмытын иһитиннэрдэ, ол чэрчитинэн араас саҥа бырайыактары ылынан олоххо киллэриэхтээхтэрин эттэ, диэн улуус дьаһалтатын пресс-сулууспата иһитиннэрэр.
Онон нэһилиэккэ эрэ буолбакка улууска, өрөспүүбүлүкэҕэ киэҥ далааһыннаах тэрээһиннэр, элбэх социальнай суолталаах үлэлэр ыытыллаллара былааннанна.
Улуус дьаһалтатаны пресс-сулууспата
