Усуйаана оройуонун Юкагир нэһилиэгэр түөрт кыбартыыралаах дьиэҕэ оҕо уонна улахан киһи өллө, диэн Арассыыйа ЫБМ ГУ пресс-сулууспата иһитиннэрэр.
Баһаар туһунан иһитиннэрии алтынньы 27 күнүгэр киирбит. Баһаары умуллара Юкагир нэһилиэгин дьоно бэйэтэ түмсэн таҕыста. Быһылаан сириттэн 10 киһини, ол иһигэр икки оҕону быыһаатылар. Уокка улахан киһи уонна оҕо өлбүт буолуон сөп.
Баһаар биричиинэтэ, буруйдаахтар уонна хоромньу быһаарыллар. Силиэстийэлиир-оперативнай бөлөх нэһилиэккэ айаннаата, Усуйаана оройуонун КЧС мунньаҕа былааннанна.
This post was published on 27.10.2022 09:03 09:03