Үлэни уонна үлэһиттэри көрдүүр hh.ru онлайн-платформатыгар 2022 сыл олунньутугар Уһук Илин уокурукка арыллыбыт 34 тыһыынча вакансияны ырытан-ырыҥалаан көрөн баран, хайа региоҥҥа ордук үрдүк хамнаһы биэрэллэрин быһаарбыттар.
Үлэ биэрээччилэр Уһук Илин уокурукка ортотунан 60 тыһ. солк. хамнаһы төлүүр буоллахтарына, Арассыыйа үрдүнэн бу суума ортотунан 52,9 тыһ. солк. тэҥнэһэр.
Рейтинг лидерэ Саха Өрөспүүбүлүкэтэ буолла – олунньуга быһа холоон 77,1 тыһ. солк. эрэннэрэллэрэ биллэр. Саха сиригэр саамай үрдүк хамнаһы «сырьену хостооһун» үлэтигэр биэрэллэр (105,6 тыһ. солк.), массыына бизнеһыгар «(101,9 тыһ. солк.) «дьиэ-уот тутуутугар»(95,3 тыһ. солк.).
Иккис миэстэҕэ Чукотскай регионугар ортото 76,5 тыһ. солк. биэрэллэрин бэлиэтээбиттэр. Манна «сырьену хостооһуҥҥа» (125 тыһ. солк.) «тырааныспар, логистика» (110 тыһ. солк.) буолаллар.
Үһүс миэстэҕэ Магадан уобалаһа таҕыста ортонон – 75,2 тыһ. солк. биэрэбит диэн эрэннэрэллэр. Бу региоҥҥа саамай үрдүк дохуоду «сырьену хостооһун» (102,6 тыһ. солк.) уонна «Дьиэ-уот тутуута» (94,6 тыһ. солк.) уонна «оҥорон таһаарыы» (92,8 тыһ. солк.)
