А.Е. Кулаковскай аатынан Дьохсоҕон оскуолатын учууталлара Киин электрическай ситим Тааттатааҕы ыстаансыйатын үлэһиттэригэр бэйэлэрэ тикпит мааскаларын биэрдилэр. Ол туһунан хампаанньа пресс-сулууспата иһитиннэрэр.
Кулун тутарга дойду үрдүнэн медицинскай мааскаҕа дефицит буолбутугар, Киин электрическай ситим 11 улууска баар тэрилтэлэригэр харыстанар мааскалары тигиигэ анаан матырыйаал атыыласпыта.
Таатта оройуонугар энергетиктэр шефтэһэр Боробул сэлиэнньэтин оскуолатын педагогтара маасканы тигэн биэриигэ бэйэлэрин көмөлөрүн биллэрбиттэрэ. 11 учуутал оскуола дириэктэрэ Василиса Петрова салалтатынан энергетиктэргэ анаан 300 маасканы тиктилэр. «Электричествобыт уота куруук тыгарыгар махталбыт бэлиэтэ», — диэтилэр кинилэр.
Оскуола дьыалатын бэрийээччи Вероника Тарбахова бэйэтэ көҕүлээһининэн «Якутскэнерго» логотибын мааскаларга быысапкалаата. Энергетиктэр учууталларга медицинскай мааска ойуулаах минньигэс торт бэлэхтээтилэр.
This post was published on 16.04.2020 10:01 10:01