Саха сириттэн төрүттээх, анал байыаннай дьаһал кыттыылааҕа Альберт — «Якут» «Биир ньыгыл Россия» баартыйа инники кирбиигэ сылдьар байыастарга көмөтүн туһунан кэпсээтэ.
«Биир ньыгыл Россия» баартыйа Саха сиринээҕи салаата СВО саҕаланыаҕыттан Донецкай уонна Луганскай Народнай Өрөспүүбүлүкэлэргэ көмө оҥорор.
#МЫВМЕСТЕ штаб волонтёрдара анал байыаннай дьаһал буола турар сиригэр 27 тоннаттан тахса гуманитарнай көмө ыыттылар, манна квадрокоптердар, тепловизордар, сибээс тэрилэ, электрогенератордар, оһохтор, таҥас-сап, снаряжение уонна бэйэни харыстанар сириэстибэлэр киирэллэр.
— «Биир ньыгыл Россия» баартыйа биһиги байыастарбытыгар оҥорор көмөтүн бэлиэтиэхпин баҕарабын. Бу соҕотох баартыйа, инники кирбиигэ сылдьааччыларга чахчы көмө оҥорор. Волонтёрдар куруук кэлэллэр, туйгун хаачыстыбалаах малы-таҥаһы аҕалаллар. Маннык көмө олус суолталаах, чуолаан билигин, арҕаалар биһигини утары холбоспут кэмнэригэр. Биһиги сомоҕолоһуохтаахпыт, Аҕа дойду улуу сэриитин кэмигэр курдук, — диэтэ Альберт-Якут.
This post was published on 25.04.2023 14:01 14:01