Саха УГМС дааннайынан, сотору кэминэн саха сиригэр тымныы түһэрэ күүтүллэр. Атырдьах ыйын 9 күнүнээҕи температура ортотунан +16-21 кыраадыс, оттон түүн +9 — +14 диэри. Өрөспүүбүлүкэ илин өттүгэр ордук сылаас буолуоҕа, күнүскү температура +24-29 кыраадыска диэри, түүнүн хотугулуу-илин +12 +17 кыраадыс буолуоҕа.
Оптуорунньукка, атырдьах ыйын 9 күнүгэр, Алдан, Нерюнгри, Ленскэй, Өлүөхүмэ, Уус-Маайа, ону тэҥэ Өймөкөөн, Муома уонна Халыма оройуоннарыгар сөҥүүлэр түһүөхтэрэ. Этиҥнээх ардах буолуон сөп. Атын сирдэргэ сөҥүү түһэрэ күүтүллүбэт.
Сэрэдэҕэ, атырдьах ыйын 10 күнүгэр, өрөспүүбүлүкэ улахан өттүгэр быстахтык ардыаҕа, соҕуруу диэки сөҥүү түһүөҕэ, сорох сиринэн күүстээх ардах.
Чэппиэргэ, атырдьах ыйын 11 күнүгэр, Саха сирин арҕаа өттүгэр быстах ардахтар түһүөхтэрэ, Халыма эҥэр этиҥнээх ардах уонна кыра тыаллаах буолуоҕа. Арктика кытылыгар сөкүүндэҕэ 15-18 миэтэрэҕэ тиийэр тыаллырыаҕа.
Бу күннэргэ салгын температурата +5 — +10 кыраадыска тэҥнэһиэҕэ, ардахха — +10- тан +15 кыраадыска диэри сылыйара сабаҕаланар. Күнүс — +21 +26 кыраадыс, ардахха соҕуруу уонна хоту өттүгэр +15 +20 кыраадыс сылыйыаҕа, муора кытылыгар +10 — +15 кыраадыс буолуоҕа.
Өрөспүүбүлүкэ киин куоратыгар бу нэдиэлэ былыттаах, сэрэдэҕэ уонна чэппиэргэ ардах түһэрэ күүтүллэр. Күнүскү температура — +24 +23 кыраадыс, түүн — +12 +14 кыраадыс. Тыал сөкүүндэҕэ 4-6 миэтэрэ уларыйа сылдьар тыаллаах.
