11 Атырдьах ыйа 11.08
  • 16°
  • $ 60,45
  • 61,7

Сергей Сюльскай: Олохтоох бэйэни салайыныы сокуона буккуур тахсыытын бохсуоҕа

Билигин баар «Об общих принципах организации местного самоуправления в Российской Федерации» федеральнайдааҕы сокуоҥҥа ситэтэ суох өрүтэ элбэх. Өрүү көннөрүүлэр киирэллэр. Бу туһунан Уопсастыбаннай палаата тыа сирин, АПК-ны уонна олохтоох бэйэни салайыныы хамыыһыйатын салайааччыта Сергей Сюльскай эттэ, суруйар СИА.

«Саҥа сокуон Уопсастыбаннай палаатаҕа киэҥник дьүүллэһиллибитэ. 2021 сыл ахсынньы 22 күнүгэр улуустар, нэһилиэктэр баһылыктара, уопсастыбаннай сэбиэттэр кыттыылаах мунньаҕы эмиэ ыыппыппыт. Палаата бэрэссэдээтэлэ Николай Бугаев көҕүлээһининэн, Госдуума депутата Галина Данчиковалыын көрсөн кэпсэппиппит. Сокуон ылыллара уолдьаста. Өрөспүүбүлүкэ бырабыыталыстыбатыгар үлэлии сылдьан, 2002 сыллааҕы өрөспүүбүлүкэ сокуона ылылларыгар үлэлэспитим. Онно да ыйытыы элбэҕэ», — диэтэ Сергей Сюльскай.

Кини эппитинэн, сокуон иннинээҕи суруллуутугар ситэтэ суох өрүтэ үгүс, ол иһин элбэх көннөрүү киирбитэ — 130-тан тахса.

«Икки көннөрүү оннооҕор ахсынньы 31 күнүгэр кытта ылыллыбыта. Саҥа сокуон баар быраап өйдөммөт түгэннэрин сааһылыахтаах, туоратыахтаах», — диэтэ палаата чилиэнэ.

Кини саҥа сокуон статуһа чуолкайдамматаҕын уонна олохтоох тэриллиилэр баһылыктарын боломуочуйаларыгар баарын эттэ.

Следите за самым важным и интересным в Telegram-канале и WhatsApp-группе ЯСИА
0
0