Арассыыйа режиссера Михаил Барынин «24 снега» документальнай киинэтэ «Лавр» национальнай бириэмийэ «Лучший неигровой кинофильм» хайысхатыгар анал аакка киирдэ. Куонкурус бүтэһиктээх түмүгэ сэтинньи 20 күнүгэр биллэр.
«Лавровая ветвь» – сылын аайы туттарыллар бириэмийэҕэ быйыл 5 аакка 637 киинэ киирдэ.
Саха сирин сылгыһытын туһунан киинэ 48 күрэстэһээччитин кытта бастыҥнар ааттарыгар баар.
Киинэ быйыл Саха сиригэр ыытыллыбыт норуоттар икки ардыларынааҕы IV-c киинэ фестивалыгар «Документальнай бастыҥ киинэ» аакка тиксибитэ, «Киһи уонна айылҕа» Байкаллааҕы норуоттар икки ардыларынааҕы XV-с фестивалга муҥутуур кыайыылаах буолбута. Ону таһынан Флаэртиана норуоттар икки ардыларынааҕы фестивалга көрөөччүлэр биһирэбиллэрин ылбыта.
Арассыыйа уонна аан дойду кириитиктэрэ Саха сирин киинэтэ аатырбытын бэлиэтииллэр. «Мой убийца» киинэ «Золотой глобус» наҕараадатын иһин күрэстэһэр.
This post was published on 18.10.2016 15:11 15:11