Бриллиантовай циркэҕэ регион баһылыгын Харыйата буолла. Манна аан бастакытын үрдүкү кылаас уон үөрэнээччитигэр бириэмийэ туттарылынна.
Ил Дархан Айсен Николаев Россия таһымнаах олимпиадалар кыайыылаахтарыгар уонна призердарыгар харчынан бириэмийэ туттарда, суруйда ЯСИА.
Стипендиаттарынан буоллулар:
Дьокуускайдааҕы кадет оскуола-интернатын 11 кылааһын үөрэнээччитэ Семен Необутов, Өрөспүүбүлүкэтээҕи олимпийскай саппаас 9 кылааһын үөрэнээччитэ Кристина Дрозд, Өлүөхүмэ 4 №-дээх орто оскуолатын 11 кылааһын үөрэнээччитэ Максим Поповскай, Бүлүү улууһун Тылгыны орто оскуолатын 11 кылааһын үөрэнээччитэ Виктория Алексеева, куорат классическай гимназиятын 11 кылааһын үөрэнээччитэ Власий Югов, Абый оскуолатын 11 кылааһын үөрэнээччитэ Любовь Слепцова, Мэҥэ Хаҥалас улууһун Аллара Бэстээх оскуолатын 11 кылааһын үөрэнээччитэ Магомед Наурузов, В.П. Ларионов аатынан физика-техническэй лицей 10 кылааһын үөрэнээччитэ Александра Дмитриева, Горнай улууһун Бэрдьигэстээх оскуолатын 11 кылааһын үөрэнээччитэ Арсен Михайлов уонна Өймөкөөн улууһун Уус-Ньара 11 кылааһын үөрэнээччитэ Татьяна Гарипова.
Санаттахха, регион баһылыга 2024 сылы Саха сиригэр оҕо саас сылынан биллэрбитэ.
