«Азия оҕолоро» норуоттар икки ардыларынааҕы VI-с спортивнай оонньууларга өрөспүүбүлүкэ чиэһин көмүскээбит эдэр спортсменнары наҕараадалаатылар.
Саха сирин баһылыга Егор Борисов, бырабыыталыстыба бэрэссэдээтэлин солбуйааччы Александр Соловьев, спорт миниистирэ Михаил Гуляев чөмпүйүөннэргэ уонна кинилэр тренердэригэр Махтал суруктары уонна сертификаттары туттардылар. «Оонньуу үрдүк таһымнаахтык барбытын өссө төгүл итэҕэйдибит. Күрэстэһии муҥутуур улахан этэ. Саха сирин хамаандата дьоһуннук кытынна, хас биирдиилэрэ оонньууга кыайыы суолтатын дьэҥкэтик өйдүүрэ, билэрэ. Барыгытыгар барҕа махтал!» —диэтэ Егор Борисов.
«Азия оҕолоро» норуоттар икки ардыларынааҕы VI-с спортивнай оонньууларга уопсайа омук 35 дойдуларыттан, Россия 8 регионуттан 2800 эдэр спортсмен кытынна. 700-тэн тахса судьуйа оонньууну сыаналаата.
This post was published on 19.07.2016 10:19 10:19