18 От ыйа 18.07
  • 17°
  • $ 88,09
  • 96,3

Саха сиригэр сыл бүтүөр диэри алта аэропорду саҥардыахтара

Читайте нас на
Яндекс Новости
ЯДВ

2022 сыл бүтүөр диэри Саха сиригэр Үрүҥ Хайаҕа, Бүлүүгэ, Депутатскайга, Нерюнгрига, Сангаарга уонна Хаандыгаҕа аэропортары саҥардыы түмүктэниэҕэ. Бу туһунан бэнидиэнньиккэ өрөспүүбүлүкэ премьерэ Андрей Тарасенко салаа бэрэстэбиитэллэрин кытта сүбэ мунньах түмүгүнэн иһитиннэрдэ.

«Бары өттүнэн бэлэмнэнии үрдүк эрээри, сылааһынан хааччыйар ситими холбооһун, уотунан хааччыйар линиялары олохтооһун боппуруостарын барытын тустаах министиэристибэни уонна бэдэрээтчиттэри кытары быһаарыахпыт», — диэтэ Тарасенко.

2022 сыл ахсынньытыгар Нерюнгри аэропордун саҥардыы бүтүөҕэ, онно 9 тыһ. кв. м иэннээх аэровокзал дьиэтин үлэҕэ киллэриэхтэрэ, саҥа дьиэ чааска 300 пассажиры киллэрэр кыахтаах уонна уматык-оҕунуох матырыйаалларын уонна аварийнай- быыһыыр станциялар ыскылааттарынан хааччыллыылаах буолара күүтүллэр.

Ону тэҥэ, 2022 сыл бүтүөр диэри 35-тии киһини киллэрэр кыамталаах аэропртары Бүлүү куоратыгар, Сангаар уонна Хандыга бөһүөлэктэригэр, ГСМ ыскылааттарын Үрүҥ хайа уонна Депутатскай бөһүөлэктэригэр, онтон да атын аэропорт көмө инфраструктуратын объектарын үлэҕэ киллэриллиэхтэрэ.

Эрдэ аэропортары саҥардар үлэлэр Эдьигээҥҥэ уонна Үөһээ Бүлүүгэ толору түмүктэммиттэрэ.

Следите за самым важным и интересным в Telegram-канале и WhatsApp-группе ЯСИА