Саха сиригэр кэнники сууккаҕа 11 ойуур баһаарын тохтоттулар уонна 1 350 гектар иэннээх сиргэ 15 саҥа уоту буллулар.
Атырдьах ыйын 3 күнүгэр өрөспүүбүлүкэҕэ Алдан, Үөһээ Бүлүү, Үөһээ Халыма, Дьааҥы, Кэбээйи, Мииринэй, Нерюнгри, Ньурба, Өлүөхүмэ, Сунтаар, Уус-Маайа сиригэр-уотугар барыта 99 ойуур баһаара баар. Итинтэн 47-тин умуллара сылдьаллар, 11 тохтоттулар.
Баһаары умулларыыга 1 298 киһи, 45 баһаарынай тиэхиньикэ үлэлиир. Авиацияттан АН-2 уонна Cessna 16 сөмөлүөтэ үөһэттэн кэтээн көрөллөр, алта Ми-8 бөртөлүөт уоту умулларар.
