Саха сиригэр 54 «Точка роста» цифровой уонна гуманитарнай үөрэхтээһин киинэ тэриллиэ. Үөрүүлээх арыллыы балаҕан ыйын 24 күнүгэр былааннанар.
«Точка роста» кииннэр тыа сирин үөрэҕин тэрилтэлэригэр арыллыахтара. Туспа юридическай сирэй буолбаттар. 2020 сылтан кыра куораттары хабыахтара. Сүрүн сыала — оскуолалар материальнай-техническай базаларын саҥардыы уонна аныгы оборудованиеларынан хааччыйыы. Оччотугар тыа сирин оҕолоро, кинилэр ханна үөрэнэр сирдэриттэн тутулуга суох, аныгы технологияларга сыстыахтара уонна гуманитарнай билиилэрин кэҥэтиэхтэрэ.
Бастатан туран «Технология», «Информатика», «Основы безопасности жизнедеятельности» предметтэр ис хоһооннорун уонна үөрэтэр ньымаларын тупсарыахтара.
Саха сиригэр арыллар 54 киин балаҕан ыйын 24 күнүгэр үлэтин саҕаланыа, диэн регион үөрэххэ уонна наукаҕа министиэристибэтэ иһитиннэрэр.
Санатар эбит буоллахха, бу дьаһал «Үөрэх» национальнай бырайыак чэрчитинэн тэриллэр. 2020 сылга «Точка роста» Саха сирин 96 оскуолатыгар баар буолуохтаах, 2021 сылга — 171, онтон 2022 сылга — 287.
This post was published on 23.09.2019 12:03 12:03