Ыам ыйын 29 күнүнээҕи дааннайынан, Саха сиригэр клещ ытырыытын 30 түбэлтэтэ таҕыста. Ол иһигэр алтата тастан киирии.
Үөҥҥэ ытыртарбыттартан түөрдэ оҕо. Ол туһунан Роспотребнадзор регионнааҕы управлениета биллэрдэ.
Саамай элбэх түбэлтэ Ленскэйгэ бэлиэтэнэр, манна 12 киһи. Биэс — Өлүөхүмэҕэ, түөртүү Алдаҥҥа уонна Нерюнгрига, иккилии Мэҥэ Хаҥаласка уонна Дьокуускайга, биир — Тааттаҕа.
Кутталлаах инфекциялар лабораторияларыгар сэттэ клещ чинчийилиннэ. Мэҥэ Хаҥаласка тахсыбыт биир түбэлтэҕэ энцефалит вируһа баара билиннэ.
Ленскэй, Алдан, Нерюнгри уонна Өлүөхүмэ оройуоттарыгар клещ ытырдаҕына энцефалитынан ыалдьыахха сөп куттала улахан. Сүрүн сэрэтэр үлэнэн вакцинация буолар.
This post was published on 31.05.2023 10:29 10:29