РФ Президенэ Владимир Путин 6%-наах чэпчэтиилээх ипотека бырагырааматын 2023 сыл бүтүөр диэри оҕоломмут ыалларга эмиэ тарҕатары эттэ. Ол туһунан ТАСС Кремль сайтыгар сигэнэн суруйда.
Билигин бырагыраама 2018 сыл тохсунньу 1 күнүттэн — 2022 сыл ахсынньы 31 күнүгэр диэри оҕоломмут ыалларга эрэ көрүллэр. Бу түбэлтэҕэ кирэдьиити 2023 сыл бүтүөр диэри ылыахха сөп.
Бырабыыталыстыбаҕа сорудах бэрилиннэ. Болдьоҕо — 2022 сыл балаҕан ыйын 1 күнүгэр диэри. Ипотека саҥа туттуллар дьиэҕэ, чааһынай дьиэни туттууга, сир учаастагын ылыыга, бастакы ырыынакка эрдэ баар кирэдьиити рефинансированиеҕа бэриллэр.
Москва, Санкт-Петербург, Московскай уонна Ленинградскай уобаластарга бырагырааманан көрүллэр муҥутуур суума 12 мөл солк, атын регионнарга — 6 мөл солк. Бастакы угар усунуос — кыбартыыра сыанатыттан 15%.
Маны сэргэ судаарыстыба 2019 сыл тохсунньу 1 күнүн кэннэ үһүс уонна онтон кэлэр төрөөбүт оҕолордоох ыалларга ипотекаларын сабыыга көмөлөһөр. Бу түбэлтэҕэ улахан оҕо сааһыгар хааччах уонна кэргэннии буолуу туоһута ирдэммэт. Төлөбүр суумата — 450 тыһ солк. Бу миэрэни 2023 сыл бүтүөр диэри уһаттылар.
This post was published on 21.06.2022 09:01 09:01