Владимир Путин сыл бүтүөр диэри РФ Федеральнайдааҕы мунньаҕар туһаайыытын оҥорбот, РИА Новости президент пресс-сэкирэтээрэ Дмитрий Песковка сигэнэн суруйда.
Песков иһитиннэрбитинэн, президент туһаайыытын кэлэр сылга оҥороро былааннанар. Бу судаарыстыба баһылыгын үлэлиир эрэсиимэ ыгымын кытта сибээстээх, болдьох кэлин чуолкайданыа.
Быһаардахха, президент Судаарыстыбаннай Дуумаҕа уонна Федерация Сэбиэтин чилиэннэригэр сылын аайы туһаайыы оҥоруута бэйэтин боломуочуйатыгар киирэр. Ол туһунан Конституция 84-с ыстатыйатыгар суруллар. Сокуон президент бу кэмҥэ саҥарыахтаах диэн болдьох туһунан чуолкайдаабат.
Хаартыска: Павел Бедняков, РИА Новости
This post was published on 22.12.2022 10:01 10:01