«Полярные авиалинии» АХ Өлүөхүмэ улууһугар тохсунньуга үс эбии рейс оҥорор былааннаах. Тохсунньу 16 уонна 19 күннэригэр Дьокуускай — Өлүөхүмэ — Дьокуускай хайысханан эбии сөмөлүөттэр көтүөхтэрэ. Ол кэннэ тустаах улуус пордун балаһата оҥоһулларынан, хампаанньа көтүүлэри тохтотор.
«Полярные авиалинии» хампаанньа Өлүөхүмэҕэ көтүүтэ салгыы сезон ыккардыгар Ньурбанан оҥоһуллара былааннанар.
Бу кэмҥэ Өлүөхүмэҕэ көтөөччүлэргэ анаан Ньурбаҕа рейс эбиллэн биэриэҕэ. Ньурбаттан салгыы Өлүөхүмэҕэ диэри бөртөлүөттэр таһыахтара.
Ньурба — Өлүөхүмэ хайысханан билиэт сыаната өрөспүүбүлүкэ бюджетыттан субсидияланыаҕа.
This post was published on 13.01.2021 10:01 10:01