От ыйын 17 күнэ Арассыыйаҕа Этнограф күнэ. Саха сиригэр бу күн уопсастыбаннай диэйэтэллэр, бэлиитиктэр Алексей Томтосов, Ульяна Винокурова, ырыаһыт Саина, учуонайдар Юлия Дьяконова, Сардана Алексеева төрөөбүттэр.
От ыйын 17 диэн Грегориан халандаарыгар сыл 198-с күнэ (ордук хонуктаах сылга 199-c күнэ). Сыл бүтүө 167 күн баар.
Бэлиэ күннэр:
- Словакия тутулуга суох буолуутун бэлиэтиир күнэ
- Арассыыйаҕа Этнограф күнэ. ССРС-ка 1970-с сс. бэлиэтэнэр. Бу күн эдэр этнографтары «сүрэхтиир» идэлээхтэр.
Түбэлтэлэр:
- 1918— Сибиир Бириэмэннэй бырабыыталыстыбата Омскайга Сибиир тутулуга суох буолуутун туһунан Декларацияны ылыммыт.
- 1920— бассабыыктар өрөспүүбүлүкэҕэ баар киинэ аппарааттарын уонна хартыыналары национализациялаабыттар.
- 1923— Анатолий Пепеляев салайааччылаах үрүҥ этэрээттэрэ Айааҥҥа кыһылларга бэриммиттэр.
- 1937— Саха АССР Совнаркомун уурааҕынан «сайыҥҥы ис ыарыытын кытта охсуһар» оҕо балыыһата тэриллибит.
- 1942— Сталинградтааҕы кыргыһыы саҕаламмыт.
- 1975— Куйаарга «Союз» (ССРС) уонна «Аполлон» (АХШ) хараабыллар стыковкаласпыттар.
- 1976— Монреальга XXI Олимпиада оонньуулара саҕаламмыт. Бу оонньууларга көҥүл тустууга саха оскуолатын өрөгөйө буолбута.
Төрөөбүттэр:
- 1796— француз худуоһунньуга Жан Батист Камиль Коро.
- 1846— нуучча айанньыта уонна этнограф Николай Миклухо-Маклай.
- 1942— Уус-Маайа улууһун Ааллаах Үүн бөһүөлэгэр Алексей Томтосов төрөөбүт — Дьокуускай баһылыга, СӨ бырабыыталыстыбатын солбуйар бэрэстээтэлэ, РФ омуктарга уонна миграцияҕа бэлиитикэтин миниистирин солбуйааччыта буола сылдьыбыта.
- 1947— Ульяна Винокурова, Саха Сирин биллиилээх уопсастыбаннай диэйэтэлэ уонна бэлиитигэ, социолог уонна психолог учуонай. Орто Халыма улууһун Байды нэһилиэгэр төрөөбүтэ.
- 1953— Юлия Дьяконова (30.07.1986 өлб.) — саха остуоруйаларын чинчийбит учуонай, филология билимин хандьыдаата.
- 1970— Егор Акимов — ырыаһыт, ырыа айааччы, СӨ култууратын туйгуна.
- 1971— Саина, дьиҥнээх аата Екатерина Саввинова — саха ырыаһыта. Булуҥ улууһун Булуҥ нэһилиэгэр төрөөбүтэ.
- 1973— Сардана Алексеева — эбээн олоҕун-дьаһаҕын чинчийэр учуонай, устуоруйа билимин хандьыдаата.
Өлбүттэр:
- 1790— Адам Смит (Adam Smith), Англиятттан төрүттээх аатырбыт экономист уонна бөлөһүөк.
- 1889— Ибрай Алтынсарин — хаһаах уопсастыбаннай диэйэтэлэ, сырдатааччыта, Казахстааҥҥа элбэх оскуоланы арыйбыта.
- 1912— француз математига, астроном, бөлөһүөк Жюль Анри Пуанкаре.
- 1918— Арассыыйа импиэрийэтин бүтэһик императора Николай II.
- 1996— саха худуоһунньуга, живописец Афанасий Собакин (1928 с. Чурапчы Кытаанаҕар төр.).
This post was published on 17.07.2020 09:01 09:01