1818 сыллаахха Москубаҕа Кыһыл болуоссакка үөрүүлээх быһыыга-майгыга Минин уонна Пожарскай мэҥэлэрэ аһыллыбыт.
Дьокуускайга Уобаластааҕы статистика кэмитиэтигэр харайыыга биэриллибит бизон төбөтүн туһунан мунньах буолбут. Муоһу ханна да ыыппакка Дьокуускайга бэйэтигэр тэриллэр түмэлгэ анаан хаалларарга быһаарыы ылыллыбыт. Ити 1887 сыллаахха. Емельян Ярославскай аатынан Дьокуускайдаааҕы кыраайы үөрэтэр музей устуоруйатын мантан саҕалыахха сөп.
Бу күн Саха сиригэр гаас бырамыысыланнаһын төрүттээччилэртэн биирдэстэрэ Лазарь Филиппов, боксаҕа дойдулар ардыларынааҕы кылаастаах спорт маастара, Үөһээ Халыма улууһугар баһылыктаан сылдьыбыт Александр Михайлов, Барбадос ырыаһыта, Грэмми бириэмийэтин аҕыс төгүллээх хаһаайката Рианна төрөөбүттэр.
Бэлиэ күннэр:
- ХНТ — Уопсастыбаҕа сиэрдээх сыһыан аан дойдутааҕы күнэ
- Украина — Халлаан сотнятын Дьоруойдарын күнэ
Түбэлтэлэр:
- 1818 — Москубаҕа Кыһыл болуоссакка үөрүүлээх быһыыга-майгыга Минин уонна Пожарскай мэҥэлэрэ аһыллыбыт.
- 1887 — Дьокуускайга Уобаластааҕы статистика кэмитиэтигэр харайыыга биэриллибит бизон төбөтүн туһунан мунньах буолбут. Муоһу ханна да ыыппакка Дьокуускайга бэйэтигэр тэриллэр түмэлгэ анаан хаалларарга быһаарыы ылыллыбыт. Емельян Ярославскай аатынан Дьокуускайдааҕы кыраайы үөрэтэр музей устуоруйатын мантан саҕалыахха сөп.
- 1962 — Америка бастакы астронава Джон Гленн орбитаҕа тахсыбыт уонна 4 чаас 55 мүнүүтэ иһигэр Сири үстэ эргийбит.
- 1986 — ССРС орбитальнай станцията «Мир» бастакы сүрүн блога орбитаҕа таһаарыллыбыт.
- 2014 — Киевкэ Евромайдаҥҥа бастакы хаан тохтубут.
Төрөөбүттэр:
- 1939 — Лазарь Филиппов — Саха сиригэр гаас бырамыысыланнаһын төрүттээччилэртэн биирдэстэрэ, 1965-1969 сылларга Дьокуускайга гаас ситимин тардыытын салайааччыта, 1973-1983 сылларга Ленскэйдээҕи райком сэкиритээрэ (улуус баһылыга), 1983-1988 сылларга Саха АССР Уматык бырамыысыланнаһын миниистирэ. СӨ норуодунай хаһаайыстыбатын үтүөлээх үлэһитэ, философия билимин дуоктара.
- 1957 — Александр Михайлов — боксаҕа дойдулар ардыларынааҕы кылаастаах спорт маастара, Приморскай кыраай икки төгүллээх, Саха АССР үс төгүллээх, РСФСР, ССРС чөмпүйүөнэ (Тбилиси 1978), аан дойду чемпионатын боруонса призера (Белград 1978). 2008-2013 сылларга Үөһээ Халыма улууһун баһылыга. Саха Өрөспүүбүлүкэтин үтүөлээх тренерэ, Дьокуускай куоратын ытык киһитэ (1980).
- 1988 — Рианна — Барбадос ырыаһыта, Грэмми бириэмийэтин аҕыс төгүллээх хаһаайката.
Өлбүттэр:
- 1923 — Сухэ-Батор (1893 төр.), Монголия өрөбөлүүссүйэтин салайааччыта.
