19 От ыйа 19.07
  • 14°
  • $ 87,88
  • 96,1

Норуоттар ассамблеялара түмсүүнү түстээтэ

12:08, 13 июля 2018
Текст:
Читайте нас на
Яндекс Новости
ЯДВ

Өксөкүлээх Өлөксөй аатынан Норуоттар доҕордоһууларын дьиэтигэр «Түмсүүлэр түмсүүнү түстүүллэр» диэн ааттаах сомоҕолоһуу аахсыйата буолла.

edersaas.ru

Тэрээһин өрөспүүбүлүкэ норуоттарын ассамблеята көҕүлээһининэн ыытылынна. Араас омук биир дьиэ кэргэн курдук иллээхтик олорор өрөспүүбүлүкэбитигэр Саха сирин национальнай култуурунай общиналарын түмпүт тэрээһиҥҥэ саҥа кэрдиис кэмҥэ сомоҕолоһуу, түмсүү идиэйэтэ көтөҕүлүннэ.

Гоар МАНУКЯН, армян норуотун култууратын пропагандалыыр «Арарат» үҥкүү народнай ансаамбылын салайааччыта:

— Бүгүҥҥү күҥҥэ норуоттары сомоҕолуур, биир тыынныыр маннык тэрээһиннэр ыытыллалларын сэргиибин. Биһиги национальнай общинабыт ассамблеябыт ыытар тэрээһиннэригэр өрүү көхтөөхтүк кыттар.

Юрий ТУДУПОВ, Дьокуускай куораттааҕы Бүрээт национальнай култуурунай  автономиятын чилиэнэ:

— Мин Дьокуускай куорат төрүт олохтооҕобун. Бары норуоттар сомоҕолоһоммут, өрөспүүбүлүкэ экэниэмикэтин инники кэрдиискэ таһаарыахпыт диэн эрэнэбин.

Ити курдук, иллээх норуоттар бары биир санаалаахтарын, сомоҕолоһуулаахтарын илэ-чахчы биллэрдилэр.

Елена ПОТОЦКАЯ, «Саха сирэ» хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА