27 Тохсунньу 27.01
  • -48°
  • $ 69,13
  • 75,33

Нерюнгри улууһугар хоккейдыыр катогу өрөмүөннүүллэр

Читайте нас на
Яндекс Новости
ЯДВ

Нерюнгри оройуонун Серебряный Бор бөһүөлэгэр хоккейдыыр катогу өрөмүөннүүллэр. Балаҕан ыйыгар бөһүөлэк олохтооҕо Дария Бузорина өрөспүүбүлүкэ баһылыгар каток тымнытар установката алдьанан үлэлээбэккэ турарын туһунан көрдөһүүлээх тахсыбыта уонна оскуола үөрэнээччилэригэр бөһүөлэктэн 8 км тэйиччи сытар Нерюнгрига «Шахтер» спорткомплекска эрчиллэргэ күһэллибиттэрин туһунан иһитиннэрбитэ.

Бу күннэргэ Айсен Николаев сорудаҕынан Серебряный Бор бөһүөлэккэ регион спордун миниистирэ Леонид Спиридонов сырытта. Нерюнгри оройуонун уонна бөһүөлэк дьаһалтатын кытта 2023 сылга каток өрөмүөнүн ыытарга быһаарыы ылылынна, тымнытар установканы толору уларытары былааннаатылар.

Санатан эттэххэ, балаҕан ыйыгар олохтоох дьахтар көрдөһүүтүн кэннэ тута, бөһүөлэккэ баар катокка тымнытар установка үлэтин сөргүппүттэрэ. Онуоха мотуор алдьаммыт муфтатын солбуйбуттар. Хомойуох иһин, бу да кэнниттэн тымнытар установка хаста да алдьана сылдьыбыт. Билигин тымнытар установканы өссө төгүл өрөмүөннээтилэр уонна муус кута сылдьаллар. Каток аныгыскы нэдиэлэҕэ аһыллыаҕа, билигин эрчиллиилэр «Шахтер» спорткомплекска буолаллар.

Следите за самым важным и интересным в Telegram-канале и WhatsApp-группе ЯСИА
0
0