Регион баһылыга Айсен Николаев ахсынньы 28 күнүгэр Нюрингри оройуоннааҕы киин балыыһатыгар сырытта. Балыыһа комплексын «А» корпуһугар ыытылла турар өрөмүөнү көрдө.
Эбийиэк Нерюнгри куорат сайдыытын маастар-былааныгар киирбитэ. Алтынньыга тутуу бастакы түһүмэҕэ түмүктэммитэ, Билигин иккис түһүмэх — ис үлэлэр уонна территорияны тупсарыы 2024 сыл кулун тутар — муус устар ыйдарга былааннаналлар.
Баһылыкка Нерюнгри киин балыыһатын эбийиэктэрин туруктарын кылаабынай быраас Алексей Яворскай кэпсээтэ, көрдөрдө.
2024 сылга Нерюнгрига улахан дьон поликлиникатыгар, акушерскай пууҥҥа уонна суһал көмө ыстаансыйатыгар өрөмүөннэр барыахтаахтар.
Балыыһа «А» уонна «Б» корпустара бүттэҕинэ медицина аныгы тэриллэринэн хааччыллыахтаахтар: наркозтуур-тыынар аппарааттар, рентген аппарааттар, компьютернай томограф, УЗИ аппараат, операция уонна реанимация отделениеларыгар туттуллар тэриллэр.
