22 От ыйа 22.07
  • 18°
  • $ 88,02
  • 96,04

Нам улууһун ыраах сэлиэнньэлэригэр аптека пууннара арылыннылар

Фото: пресс-служба Минздрава Якутии
Читайте нас на
Яндекс Новости
ЯДВ

Нам оройуонугар муус устар 4 күнүгэр Хатырык амбулаториятыгар уонна Маймаҕа ФАП-ка аптека пууннара арылыннылар. Доруобуйа харыстабылын министиэристибэтигэр эппиттэринэн, бу дьон наадалаах эмтэрин миэстэтигэр атыылаһалларыгар көмөлөһүөҕэ.

Билигин аптека пууннарыгар бастакы көмөҕө туттуллар эмтэр бааллар, салгыы арааһа кэҥиэҕэ. Эрдэ аптека Намҥа эрэ баара, онон ыраах нэһилиэктэр кыһалҕалары көрсөллөрө.

«Сахафармация» генеральнай дириэктэрэ Степан Кусатов эппитинэн, бырайыак бэйэтин көрдөрдөҕүнэ, атын улуустарга эмиэ тарҕаныаҕа. Хампаанньа чэпчэтиилээх кирэдьиитинэн бырайыагы өйүүр.

Миниистир Лена Афанасьева кэпсээбитинэн, тыа сирин, Арктика олохтооҕо эмтэниитин хааччыйар сыаллаах бырайыак. Эмп хаачыстыбата, арааһа ирдэнэр.

Следите за самым важным и интересным в Telegram-канале и WhatsApp-группе ЯСИА