Казахстааҥҥа муус устар 18 — 24 күннэригэр Саха сирин күннэрэ буолуохтара. Ол туһунан тас сибээскэ миниистир Гаврил Кириллин эттэ.
«Тэрээһиннэр Астанаҕа, маны сэргэ Алматыга уонна Петропавловскайга буолуохтара. Күннэр чэрчилэринэн Саха сирин бырабыыталыстыбатын уонна Хотугулуу-Казахстанскай уобалас акиматын кытта меморандум туолуутугар былааҥҥа илии баттаһыахтара. Дьокуускай куорат Петропавловскайы кытта бырааттыы сибээһи олохтуурга дуогабар түһэрсиэҕэ», — диэтэ миниистир.
Санаттахха, былырыын сэтинньигэ Ил Дархан Айсен Николаев Россияҕа Казахстан Өрөспүүбүлүкэтин боломуочуйалааҕа Даурен Абаевы кытта көрсүбүттэрэ. Өрүттэр атыы-экономика уонна гуманитарнай хайысхаларга бииргэ үлэлииргэ кэпсэппиттэрэ.
