Өлүөнэ, Бүлүү, Халыма федеральнай айан суолларын суотабай сибээһинэн хааччыйыы бырайыага СӨ Инновацияҕа, сыыппара сайдыытыгар уонна инфокоммуникационнай технологияҕа миниистирин солбуйааччыта Андрей Суслов иһитиннэрбитинэн, 2030 с. биирдэ олоххо киириэн сөп.
Өлүөнэ айан суолугар «Ростелеком» хампаанньа «Саха Сирин тимир суолларын» эбийиэктэрин суотабай сибээһинэн хааччыйарыгар 220 мөл. солк. ирдэнэр. Үп уонча маачтаны тутарга, итиэннэ инфраструктураны тэрийэргэ наада. Оччотугар Аллараа Бэстээхтэн Нерюнгрига диэри суотабай сибээс хабыахтаах. Ол эрэн, билиҥҥитэ бырайыак бигэргэнэ илик. Сүрүн кыһалҕа суолга уот суоҕа мэһэйдиир эбит, суруйда саха Парламент саайт.
