Индигир нэһилиэгэр мобильнай биригээдэ тэриллэн, хаһааска анаан 12 туонна от оттонно. Биригээдэҕэ олохтоох ыччаттар, ол иһигэр Емельян Никулин, уһун өрөбүлүгэр кэлбит устудьуон Роман Слепцов, Дьокуускайтан сылдьар Андрей Скрыбыкин нэһилиэк дьокутаата, ОДьКХ олохтоох салаатын оператора Алексей Андросов салалтатынан таһаарыылаахтык үлэлээтилэр.
Нэһилиэк дьаһалтата эдэр отчуттарга оттугун-уматыгын хааччыйан туран, «Синтай» тыраахтарын уларыста. Нэһилиэк баһылыга Борис Заровняев этэринэн, хаһааска оттуур мобильнай биригээдэни тэрийии эрдэттэнбылааннаммыт, нэһилиэк бырагырааматыгар киирбит, уолаттар оттообут отторун кыаммат, кырдьаҕас дьоҥҥо атыылыыр санаалаахтар эбит.
Билигин «Победа» ТХПК эбии дьону хомуйан, саҥа биригээдэни тэрийэн, сылгыларга анаан ыраах учаастакка оттуу баран эрэр. Бу кэпэрэтиипкэ оттооһуну тэрийиигэ Тыа хаһаайыстыбатын министиэристибэтиттэн 50 тыһ. солк. көрүлүннэ диэн “Индигир уоттара” хаһыат иһитиннэрэр.
Екатерина Захарова, «Саха сирэ» edersaas.ru
This post was published on 20.08.2018 16:49 16:49