Мииринэй оройуонугар баан үлэһитэ каассаттан икки сыл иһигэр 43 мөл. солк. тахса сууманы уорбут. Уоруллубт харчыны 35 саастаах дьахтар виртуальнай казиноларга бараабыт. Бу туһунан СИА-ҕа Саха сиринээҕи ИДьМ пресс-сулууспата иһитиннэрэр.
Буруйданааччы кассир дуоһунаһыгар олорон, сулууспалыыр балаһыанньатынан туһанан, 2019 сыл тохсунньутуттан 2021 сыл балаҕан ыйыгар диэри кумааҕы харчыны укта сылдьыбыт. Итэҕэстэрин кистээри, бэрэбиэркэлэргэ кичэйэн бэлэмнэнэр, бырагыраамаҕа сымыйа дааннайы киллэрэр, ревизия аакталарын уларытан биэрэр эбит.
Харчыны уорбуттарын Мииринэй оройуонугар коррупцияны утары охсуһууга отдел экономическай куттал суох буолуутун үлэһиттэрэ арыйдылар.
Урукку баан үлэһитэ утары холуобунай дьыала тэрилиннэ, ону салгыы суукка ыыттылар.
