Биллэр айанньыттар уонна блогердар Александр Еликов, Алексей Жирухин, Дмитрий Гостинщиков уонна Наталья Шиповская Саха сиригэр 1981 сыллааҕы эргэ «Москвич» массыынанан айанныыллар. Кинилэр Удачнайга тиийдилэр.
Ол туһунан ЯСИА-ҕа куорат пресс-сулууспата иһитиннэрдэ. Сэбиэскэй «Москвич 412» рекорд оҥордо, Мииринэйтэн Удачнайга диэри 9 чааһынан тиийдэ. Блогердар этэллэринэн ыксаабакка айаннаабыттар, айылҕа кэрэтин көрбүттэр, күн киириитин хаартыскаҕа хатаабыттар.
Бүгүн, тохсунньу 19 күнүгэр, Удачнай олохтоохторун кытта көрсүөхтэрэ.
Салгыы Өлөөн диэки суолларын тутуохтара — Пакс тоҕойугар тиийэр былааннаахтар.
