Мас-рестлиҥҥа Азия чемпионатыгар бастыҥ хамаанданан Кыргызстаан мадьынылара буоллулар, тренердара Марат Раматов. Тоҕус кыһыл көмүс мэтээли ыллылар.
Биэс кыһыл көмүс мэтээли чемпионат хаһаайыттара — Узбекистаан хамаандата ылла, суруйар СИА. Норуоттар ардыларынааҕы бөдөҥ күрэхтэһии Алмалык куоракка буолла.
Сэттэ дойду кыттанна: Индия, Казахстаан, Кыргызстаан, Монголия, Пакистан, Таджикистаан, Узбекистаан.
Үрдүк кылаастаах киирсиилэри Кыргызстаан хамаандата көрдөрдө. Састаапка аан дойду чемпионнара бааллар.
Кыһыл көмүс мэтээли ыллылар: Чынгыз Саламатов (60 кг), Адилет Имашев (65 кг), Бекмырза Токтошев (70 кг), Русланбек улуу Чыныбек (90 кг), Улукбек Ырысбаев (125 кг). Кинилэр биир дойдулаахтара Атайбек уулу Келдибек быйыл Дьокуускайга ыытыллыбыт аан дойдутааҕы киирсиигэ 105 кг вице-чемпион буолбута. Кини билигин 125 кг үөһэ кыһыл көмүһү иилиннэ.
Дьахталларга Кыргызстаан хамаандатыттан эмиэ миэстэлэстилэр
Бу Адель Маданбаева (65 кг), Элбдана Болотбекова (75 кг), Дилдора Рахманова (85 кг үөһэ). Уопсай хамаанданан ттүмүккэ, иккис миэстэ күрэхтэһии хаһаайыныгар хаалла. Узбекистан сүүмэрдэммит хамаандатыгар кыайыыны Лизизбек Абдуллахмонов (75 кг), Иброхимхон Мухторхонов (80 кг), Сергей Трофименко (105 кг), Рушания Камзина (55 кг), Шохист Садыкова (85 кг) аҕаллылар. Азия чемпионатын үһүс миэстэтин Монголия бэрэстэбиитэллэрэ ыллылар.
Хаартыска: Максим Суханов.
