Арассыыйа олохтоохторугар инбэлииккэ таһаарыыга медико-социальнай экспертизаны ааһыы процедурата судургу буолуоҕа, диэтэАрассыыйа Федерациятын Үлэҕэ министиэристибэтин баһылыга Максим Топилин ТАСС-ка интервьютугар.
“Экспертизаны ааһыы дьоҥҥо табыгастаах буоларын курдук, эмтиир тэрилтэттэн МСЭ бюротугар киһи кыттыыта суох докумуоннары ыытыы тэриллиэ”, — диэтэ кини.
“Араастаһыы буолбатын курдук, медико-социальнай экспертиза форматыгар хас биирдии ыарыыга медицинскэй чинчийии кэрискэтин Доруобуйа харыстабылын министиэристибэтэ оҥоруоҕа уонна МСЭ бюротуттан дьону поликлиникаҕа эбии чинчийиигэ төттөрү ыыппат буолуохтара”, — диэн салгыы быһаарда миниистир.
Кини этэринэн, Үлэ министиэристибэтэ эмтиир тэрилтэ уонна МСЭ тэрилтэлэрин кытта докумуоннары электроннай ыытыы режимигэр бииргэ үлэлээһиннэрин хааччыйыахтаах. “Бу икки тиһик үлэтин чэпчэтиэҕэ, быһаарыыны ылынарга сибидиэнньэлэргэ олоҕуруоҕа уонна хонтуруол хаачыстыбатын үрдэтиэҕэ”, — диэтэ Топилин.
“Маннык хардарыта үлэлээһин сорох регионнарга ситиһиилээхтик үлэлиир, атыттарга – түһүмэхтэринэн уонна үксүгэр регион цифровой сайдыытыттан тутулуктаах, ол эрээри биир-икки сылынан, докумуоннар сүрүн чаастара электроннай көрүҥүнэн ыытыллыаҕа. Ол аата инбэлиит МСЭ-ҕэ эбэтэр поликлиникаҕа хастыыта даҕаны тиэстиэ суоҕа”. – диэн эбэн эттэ.
СИА.
This post was published on 03.12.2018 19:28 19:28