18 От ыйа 18.07
  • 17°
  • $ 88,09
  • 96,3

Конституцияҕа куоластааһыны тэрийиигэ ыраах сытар нэһилиэктэргэ бөртөлүөтүнэн тиийиэхтэрэ

16:01, 04 июня 2020
Текст:
Читайте нас на
Яндекс Новости
ЯДВ

Саха сирин кытыы нэһилиэнньэлээх пууннарын 8000-тан тахса кэриҥэ олохтооҕо конституцияҕа уларытыылары киллэриигэ эрдэ куоластыахтара. Быыбардыыр хамыыһыйалар сотрудниктара кинилэргэ бөртөлүөтүнэн, вездеходтарынан уонна уу мотуордарынан тиийиэхтэрэ. Бу туһанан ТАСС-ка өрөспүүбүлүкэ киин быыбардыыр хамыыһыйатын сэкирэтээрэ Эльвира Мярикянова эттэ, диэн СИА суруйар.


Россия президенэ Владимир Путин конституцияҕа көннөрүүлэри киллэриигэ куоластааһын күнүн — от ыйын 1 күнүгэр анаабыта. Онно анаан ыйаахха илии баттаабыта. РФ киин быыбардыыр хамыыһыйата куоластааһыны ити эрэ күҥҥэ буолбакка, эрдэ эмиэ тэрийэр туһунан быһаарыы ылынна.

«Ыраах, суола-ииһэ суох нэһилиэнньэлээх пууннар олохтоохторугар анаан эрдэтээҥи куоластааһын үгэс быһыытынан ыытыллар. Эппиэттээх үлэһиттэр сиринэн, уунан уонна салгынынан айанныахтара. Эрдэ куоластааһын 20 хонук иннинэ саҕаланыаҕа, онтон эрдэлиир сатаммат«, — диэтэ Мярикянова.

Хамыыһыйа үлэһиттэрэ быыбардааччыларга бөртөлүөттэринэн, вездеходтарынан уонна уу техникаларынан айаннаан тиийиэхтэрэ. «Былаан быһыытынан 500 ыраах, суола-ииһэ суох нэһилиэнньэлээх пууну хабыахтаахпыт. Онно 8 тыһыынчаттан тахса киһи олорор — табыһыттар, сылгыһыттар, балыксыттар, метеорологтар, сир баайын туһаҕа таһаарааччы тэрилтэлэр үлэһитттэрэ«, — бэлиэтээн эттэ сэкирэтээр.

Сиһилии: https://ysia.ru/v-yakutii-k-zhitelyam-dalnih-sel-dlya-golosovaniya-po-konstitutsii-budut-dobiratsya-vertoletom/

Следите за самым важным и интересным в Telegram-канале и WhatsApp-группе ЯСИА