Гражданскай уопсастыба сайдыытын фондата Россия регионнарын ортолоругар ыытыллар рейтинг түмүгүн таһаарда. Көдьүүстээх үлэлэринэн биллэр салайааччылар ахсааннарыгар Егор Борисов киирдэ.
Саха сирин баһылыга Псков уобалаһын салайааччытын Андрей Турчагы кытта рейтинг 36-37 кэрдииһигэр киирдэ. Үчүгэй үлэлээх салайааччылар ахсааннарыгар Крым баһылыга Сергей Аксенов, Мурманскай уобалас губернатора Мария Ковтун, Ингушетия баһылыга Юнус-бек Евкуров, уо.д.а бааллар.
Стратегическай чинчийии Саха сиринээҕи киинин дириэктэрэ Валентина Кондратьева этэринэн, бу рейтинг 5 модультан турар.
«Итинтэн үһүгэр регион олоҕун араас өттүттэн экспертэр сыаналааһыннара киирэр. Биир модуль – нэһилиэнньэ дохуотугар уонна ороскуотугар сыһыаннаах. Методика сыл аайы уларыйа турар. Быйыл регион социальнай-экономическай балаһыанньатын сыаналыыр модуль эбиллибитэ. Егор Афанасьевич Борисов үрдүк көрдөрүүлээх иккис бөлөххө киирдэ», — диэтэ кини.
Хаалан иһээччилэр отолоругар Пермь кыраайын губернатора Виктор Басаргин уонна Карелия баһылыга Александр Худилайнен бааллар.
Пожалуйста, подождите
