11 Атырдьах ыйа 11.08
  • 16°
  • $ 60,45
  • 61,7

Инбэлиит оҕолоох төрөппүккэ уоппускатын күнэ уһаан биэриэҕэ

Бэс ыйын 22 күнүгэр РФ Федерацияҕа Сэбиэтин спикерэ  Валентина Матвиенко РФ  үлэҕэ миниистирэ Антон Котяковка  инбэлиит оҕолоох төрөппүттэр уоппускаларыгар күнү эбэн биэрэри өйүүрүгэр эттэ.

Маннык хабааннаах көрдөһүү сурук РФ Бырабыыталыстыбатын бэрэссэдээтэлэ Михаил Мишустиҥҥа эмиэ тиэрдилиннэ.

Санатар буоллахха, инбэлиит оҕолоох төрөппүттэргэ уоппуска күнүн уһатар туһунан этиини РФ Федерацияҕа Сэбиэтин конституцияҕа уонна судаарыстыбаннай тутулга кэмитиэтин бэрэссэдээтэлин 1-кы солбуйааччы  Ирина Рукавишникова киллэрбит.

Инбэлиит оҕолоох дьиэ кэргэҥҥэ төрөппүттэртэн биирдэстэригэр уоппускаларыгар эбии түөрт күн эбиллиэн сөп диэн быһаарбыт. Бу этиини РФ үлэҕэ миниистирэ Антон Котяков өйүүрүн биллэрбит.

Источник: edersaas.ru сайт

Следите за самым важным и интересным в Telegram-канале и WhatsApp-группе ЯСИА
1
0