Үс сыл ыстаастаах эдэр педагогтарга бэриллэр эбии төлөбүрү 75% диэри улаатыннарары Ил Дархан Айсен Николаев Ил Түмэни кытта кэпсэтиитигэр эттэ.
«Өрөспүүбүлүкэ уонна муниципалитет өттүттэн биир кэлим быһаарыылары ыларга. Педагогическай кадры сыаллаах бэлэмнээһинтэн саҕалаан, миэстэтигэр олорор усулуобуйаларын тэрийиигэ тиийэ», – диэтэ Саха сирин баһылыга.
Айсен Николаев «Арктика учуутала» бырайыагы салгыыры эттэ. Эдэр исписэлиистэргэ аадырыстаах көмөнү оҥорууну, саҥа саҕалааччы учууталларга хамнастарын үрдэтиини тоһоҕолоон бэлиэтээтэ.
Бырабыыталыстыбаҕа кэлэр сылга үс сыл ыстаастаах эдэр исписэлиистэргэ надбавкаларын 75% -ҥа диэри улаатыннарары сорудахтаата.
