Дьоппуон хамаандатын футболистара иккис киирсиигэ бастаан кыргызтаннарга 1:0 хотторон иһэн, бүтэһик мүнүүтэҕэ кыайыыны ситистилэр.
Оонньуу саҕаланыытыгар Кыргызтан хамаандата тута гол киллэрбитэ. Мээчик Гулжигит Борубаев туһатыгар буолбута. Дьоппуоннар тута хомулла түһэн, хас да кимиини оҥорбуттара. Ити эрээри мээчик боруотаҕа киирбэтэҕэ.
29-с мүнүүтэҕэ дьоппуоннар утарылаһааччыларын боруотатыгар «күлүүһү» булбуттара. Кейго Сакашито хаҥастан атаакалаан, доҕорун кытта хардарыта бэрсиһэн, мээчиги туһааннаах миэстэҕэ киллэрэн, ахсааны 1:1 тэҥнээбиттэрэ.
Ол кэннэ оонньуу тэҥ баайыылаахтык барда эрээри, дьоппуоннар арыый күүстээхтэрин көрдөрдүлэр. Оонньуу түмүгэр 74-с мүнүүтэҕэ Тоя Накамуро тэппит мээчигэ вратары уҥуордаан боруотаҕа киирдэ. Бу спортсмен үһүс мээчигэ буолар. Бу иннинэ Уһук Илиҥҥи федеральнай уокурук хамаандатын кытта киирсиигэ иккитэ «голлаабыта».
Бүгүн, от ыйын 10 күнүгэр, киэһэ 6 чаастан Саха сирин хамаандата Уһук Илиҥҥи уокурук утары тахсар.
This post was published on 10.07.2016 11:19 11:19