Дьокуускайга полиция үлэһиттэрэ Марха микрооройуонугар 20 саастаах хаста да сууттана сылдьыбыт киһиттэн саа ыллылар. Буруй «Анаконда» дьаһал кэмигэр булулунна, суруйар ИДьМ Саха сиринээҕи салаатын пресс-сулууспата.
Куорат олохтооҕор икки пневматическай бэстилиэт, «обрез» саа уонна алта 12 калибрдаах ботуруон булулунна. Полицейскай-экспертэр бигэргэппиттэринэн, саа туттарга бэлэм.
Холуобунай дьыала тэрилиннэ РФ ХК 222 ыст. 1 чааһынан — көҥүлэ суох сааны, эстэр саа сүрүн чааһын, боеприпастары ылыы, биэрии, булуу, харайыы, илдьии-аҕалыы, ыытыы эбэтэр илдьэ сылдьыы. Бу ыстатыйанан 5 сылга диэри көҥүл быһыллыан сөп.
Барыллаан силиэстийэ кэмигэр 20 саастаах киһи ханна да барбатын туһунан сурукка илии баттанна.
