Ил Дархан Айсен Николаев @aisen_nikolaev муус устар 26 күнүгэр Нам улууһугар үлэлиир.
Регион баһылыга Хатырык нэһилиэгэр культурнай-спортивнай элбэх хайысхалаах киин тутуутун бастакы сыбаайатын уурууга кыттар. Эбийиэккэ культура уонна спорт тэрилтэлэрэ, библиотека уонна оҕо искусствотын оскуолата үлэлиэхтэрэ, суруйар СИА.
Сүрүн бэдэрээччит — «Намстрой» тэрилтэ. Дьиэ уопсай иэнэ – 2518,2 кв.м.
Былаан быһыытынан, манна сменаҕа 36 киһи киирэр универсальнай саалалаах спортивнай комплекс, 60 миэстэлээх оҕо искусствотын оскуолата, «Сайдам» норуот айымньытын дьиэтэ, актовай саалатыгар 150 миэстэлээх уонна 20 миэстэлээх ааҕар саалалаах библиотека, 10 000 том кинигэ харайар сирдээх.
Киин тутуутун бүтэр болдьоҕо 2023 сыл ахсынньы 30 күнэ.
@ysiaru
This post was published on 26.04.2022 11:54 11:54