13 От ыйа 13.07
  • 24°
  • $ 87,74
  • 95,76

Хатастар историяларын үйэтитэр кинигэ уонна видео-биэрии таһаардылар

Читайте нас на
Яндекс Новости
ЯДВ

Бэҕэһээ, 2022 сыл муус устар 21 күнүгэр, Саха АССР 100, Дьокуускай куорат 390 сылларыгар Хатаска Олохтоох бэйэни салайыыны күнүгэр анаан икки дьаһал бэлиэтэннэ. Нэһилиэк дьаһалтатын историятыгар анаммыт саҥа кинигэ уонна видео-биэрии таһаардылар.

Хатаска олохтоох дьаһалта, нэһилиэк устуоруйатын түмэлэ, бэтэрээннэр өйдөһөн-өйөһөн үлэлииллэр. Ол түмүгэ — саҥа кинигэ уонна видео-биэрии таҕыстылар.

Нэһилиэккэ дьаһалта түбүктээх үлэтин араас сылларга салайбыт дьоммутун — А.М.Уваровскайы, С.К.Окорокоровы, Е.Г.Евсееваны, П.А.Баишевы, П.А.Козлованы уонна билиҥҥи салайааччы Е.П.Пермяковы — кытта кэпсэтии-сэһэргэһии буолбутун видеоҕа уһулан «Олохтоох дьаһалта үлэтин олуктара» диэн биэрии таҕыста. Олус сэргэх уонна дириҥ ис хоһоонноох кэпсэтии үйэтитилиннэ.

«Хатас сайдар саҕахтарын арыйсыбыт сылларбыт» диэн П.А.Баишев баһылыктаабыт сылларыгар туох үлэ барбытын, оччотооҕу кини хамаандата, хас биирдии исписэлииһэ суруйан үйэтиппит кинигэтэ күн сирин көрдө. Ол кинигэ сүрэхтэниитэ эмиэ видеоҕа уһуллан биэрии буолан таҕыста.

«Бу матырыйааллар видео-фото, кинигэ түмэлгэ, оскуола библиотекатыгар, И.Д.Панаев аатынан олохтоох библиотекаҕа баар буолуохтара. Биэриибит даҕаны, кинигэ даҕаны Петр Анатольевич эппитинии, ол олохтоох дьаһалта бэлэм бэриллибит харчынан оҥороро туох кэпсэлэ буолуой, диэччилэргэ эппиэттэһэр ис хоһоонноох буолан тахсыбыта саныырга да астык. Элбэх уопсастыбанньык, олоххо көхтөөх, сүрэхтээх — бэлэстээх үлэһит дьоммут да ааттара ааттанна, ахтыллан ааста, сүрүн оҥоһуллубут үлэлэр кэпсэннилэр. Манна даҕатан эттэххэ, бэрт соторутааҕыта нэһилиэкпит олохтоохторун итэҕэлин ылан, Куорат Дууматыгар дьокутаат түбүктээх үлэтигэр сылдьар П.А.Козлова «Депутат түбүктээх үлэтин сэгэтэн көрөн сэһэргэһии» диэн биэрии тахсыбыта дьон сэргээһинин — кэрэхсээһинин ылбыта. Онон Хатастааҕы «Тускул» култуура киинин ютуб-ханаалын сэргээҥ, кэрэхсээҥ, көрүҥ, салгыы кэпсээҥ», — диэн СИА-ҕа суруйда киин исписэлииһэ Наталья Руфова, Хатас.

Следите за самым важным и интересным в Telegram-канале и WhatsApp-группе ЯСИА