Үөһээ Бэстээххэ баар 3 №-дээх уопсай эрэсиимнээх холуонньаҕа хас да күн субуруччу наркотик киллэрэ сатаабыттарын туттулар.
Ол курдук, ыам ыйын 12-14 күннэригэр бу холуонньаҕа буруйдарын боруостаан олорооччуларга аҕалбыт передачаларыгар гашиш и спайс кистээбиттэр. Ону холуонньа сотрудниктарын сэргэ холуобунай ирдэбил полицейскайдара суһал иһитиннэриигэ олоҕуран булбуттар — табах иһигэр симпиттэр эбит.
Ыам ыйын 12 күнүгэр 2,041 г ыйааһыннаах гашиш укпуттарын булбуттар.
Оттон иккис сырыыга 0,865 г ыйааһыннаах каннабис арыытын эрэ буолбакка, өссө 1,073 г ыйааһыннаах спайс булан былдьаабыттар.
Экспертиза быһаарбытынан, бу наркотиктар ыйааһыннарынан бөдөҥ кээмэйгэ киирсрэллэр.
Бу чахчынан холуобунай дьыала тэриллибит.
Бу туһунан РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыскалар: РФ Накаастабылы толорор федеральнай сулууспатын Саха сиринээҕи управлениета.
