Хаҥалас улууһугар «Төрөппүт БКЭ туттарар» аахсыйа саҕаланна. Тэрээһин кулун тутар 31 күнүгэр диэри салҕанар. Дьөккөн оскуолатын үөрэнээччилэрин төрөппүттэрэ бастакынан нуучча тылыгар суруйдулар, дьаһалта пресс-сулууспата иһитиннэрэр.
Хаҥалас улууһун илин өттүн оскуолаларыгар сүрүн эксээмэни 10 выпускник туттарар. Аахсыйаҕа алта төрөппүт кытынна: 1-кы, 2-ис Дьөккөн, Хачыкаат оскуолалара. Бириэмэ төһө да 1 эрэ чаас буоллар, төрөппүттэр аттестация ирдэбиллэрин барытын тутустулар: термометрия, регистрация, телефоннарын, тус малларын туттарыы, эксээмэн иннинээҕи хонтуруолу ааһыы, бланканы толоруу.
Төрөппүттэр бары түһүмэҕи ааһан баран, билигин оҕолоругар БКЭ туттарыытыгар тугу этэллэрин, сүбэлииллэрин билбиттэрин кэпсээтилэр.
This post was published on 25.03.2021 16:29 16:29