2023 сыл бүтүүтэ Үөһээ Бүлүү улууһун Харбалааҕар И.Н. Барахов аатынан култуура киинин тутуу түмүктэниэҕэ. Билигин эбийиэккэ 20 киһи үлэлиир.
Саҥа икки этээстээх дьиэҕэ Саха АССР төрүттэспит И.Н. Барахов аатынан өрөспүүбүлүкэ судаарыстыбаннаһын музейа киириэҕэ. Маны сэргэ библиотека уонна 150 миэстэлээх актовай саалалаах кинотеатр.
Бастакы этээскэ экспозиция уонна быыстапка саалалара, музей харыстыыр пуондата, салалта кабинеттара баар буолуохтара. Иккискэ — библиотека, кинигэ харайар сир, актовай саала, артыыстар, көстүүм хосторо, куруһуоктар уонна айар дьон дьарыктанар кабинеттара.
Эбийиэк Саха сирин инвестициялыыр бырагырааматын чэрчитинэн ыытыллар.
