27 Ыам ыйа 27.05
  • 23°
  • $ 89,7
  • 97,1

"Тыа сирин кэлимник сайыннарыы" бырагырааманан Кэнтиккэ ФАП тутуута саҕаланна

Хаартыска: T.me/ValeriNikolaev
Читайте нас на
Яндекс Новости
ЯДВ

Бүгүн Кэнтик нэһилиэгэр «Тыа сирин кэлимник сайыннарыы» Российскай Федерация судаарыстыбынай бырагырааматын чэрчитинэн саҥа фельдшерскай-акушерскай пуун тутуута саҕаланна. ФАП дьиэтэ уопсайа 110 кв м иэннээх. Быйыл күһүн тутуута бүтэн үлэҕэ киирэрэ былааннанар.

Кэнтиккэ бырагыраама чэрчитинэн нэһилиэк дьиэтин аайы сайыҥҥы уу хачайдыыр ситим холбоноругар тутуу үлэтэ бара турар. Билиҥҥи туругунан турба тардааһына нэһилиэккэ чугаһаата.

Бэлиэтээн этэр буоллахха, «Тыа сирин кэлимник сайыннарыы» судаарыстыбынай бырагыраамаҕа ситиһиилээхтик кыттан, Кэнтик нэһилиэгэр уулуссалары сырдатар уот баҕаналара тураннар, үлэлэрэ былырыын түмүктэммитэ.

Билигин бырагыраама көмөтүнэн элбэх хайысхалаах култуура уонна успуорт киинин хапытаалынай өрөмүөнэ оҥоһулларын уонна универсальнай спорт балаһааккатын тутуутун үлэтэ түмүктэнэрин күүтэбит.

Салгыы Үөһээ Бүлүү улууһа судаарыстыбыннай бырагыраамаларга, национальнай бырайыактарга ситиһиилээхтик кыттарыгар дьулуһабыт, тыа сиригэр олорор олохтоох нэһилиэнньэ олоҕун тупсарарга үлэ киэҥник тэриллэрин ситиһэбит, диэн суруйда ValeriNikolaev

Следите за самым важным и интересным в Telegram-канале и WhatsApp-группе ЯСИА