Үөһээ Бүлүү улууһун быыбардааччылара «Биир ньыгыл Россия» баартыйаттан турбут кандидат Валерий Николаев туһатыгар баһыйар куолаһы биэрдилэр.
«Ытык-мааны Үөһээ Бүлүүм улууһун олохтоохторо!
Дойдубут инники дьылҕатын быһаарар сүрүн быыбарга куоластарын биэрбит улуус хас биирдии олохтооҕор, быыбардааччыларга көхтөөх кыттыыгыт иһин махталбын тиэрдэбин.
Дойдум дьоно, эһиги эрэлгитин түһэн биэрбэккэ, эһигинниин бииргэ, түмсүүлээхтик, аһаҕастык, көхтөөхтүк Үөһээ Бүлүүбүт сайдарын, чыпчаалга тахсарын туһугар үлэлиэм, сырабын ууруом диэн эрэннэрэбин.
Салҕыы иннибит хоту бары биир сомоҕо буолан сайдыы суолунан хаамыаҕыҥ, таһаарыылаах үлэни ыытыаҕыҥ, улууһу өрө көтөҕүөҕүҥ!
Үөһээ Бүлүүгэ — Саҥа сүүрээни!
Ытыктабылы кытта, Валерий Николаев», — диэн бэйэтин телеграм-ханаалыгар суруйда.
Валерий Николаев 2012 сыллаахтан Кэнтик нэһилиэгин баһылыгынан быыбарданан үлэлээбитэ.
