Балаҕан ыйын 10-11 күннэригэр Дьокуускайга бойобуой уонна спортивнай самбога 5-с Бүтүн Россиятааҕы турнир ыытыллыаҕа. Күрэхтэһии Россия Геройа, милиция подполковнига Александр Рыжиков уонна сулууспалыыр иэһин толорууга өлбүт анал подразделениелар үлэһиттэрин ааттарыгар ананна.
Өрөспүүбүлүкэ самбо тустууга Федерациятыгар иһитиннэрбитинэн, турнирга Уһук Илин уокурук бары регионнарыттан, ону тэҥэ дойду атын субъектарыттан спортсменнары ыҥырбыттар. Саха сириттэн Дьокуускай, Алдан, Нерюнгри уонна регион күүстээх самбистара кыттыыны ылыахтара. Турнир ыйааһыннара — 58, 64, 71, 79, 88, 98 кг.
2019 сыллаахха турнирга икки сүүсчэкэ спортсмен кыттыбыта, былырыын коронавирус хааччаҕынан 87 киһи Саха сириттэн, Бурятияттан, Хабаровскай уонна Приморскай кыраайдартан күөн көрсүбүтэ.
