Дьокуускай — Аллараа Бэстээх хайысханан паром сырыытын саҕалаата, СИА-ҕа тырааныспар министиэристибэтин пресс-сулууспата иһитиннэрэр.
Дьокуускай — Аллараа Бэстээх хайысханан «Лентранс», «Первая паромная переправа» ХЭУо-лар уонна «Вторая паромная переправа» тэрилтэлэртэн биэс паром сылдьар. Бүгүн эбии биир паром кыттыһар. Түһүмэҕинэн эбиллэн иһиэхтэрэ. Барыта 16 суудуна быйылгы ууга тахсыахтаах.
Коронавируһу тарҕаппат туһуттан Ил Дархан ыйааҕынан паромнар сырыыларыгар хааччахтааһыннар бааллар.
Чааһынай массыынаҕынан киирэн айанныахха сөп. Онкологиялаахтар уонна гемодиализнай ыарыһахтар эмтэниигэ барыыларыгар медицинскай ыспыраапка ирдэнэр. Аллараа Бэстээхтэн тимир суолунан айаннааччылар билиэттээх буоллахтарына биирдэ көҥүллэнэнр.
Биллэн турар, паром иһигэр социальнай дистанцияны тутуһар булгуччулаах.
This post was published on 22.05.2020 17:28 17:28