Баатаҕай бөһүөлэгин сыбаалкатыттан саҥа төрөөбүт оҕо өлүгүн буллулар. Саха сирин Силиэстийэлиир кэмитиэтэ иһитиннэрэринэн, бу чахчынан процессуальнай бэрэбиэркэ ыытыллар.
Балаҕан ыйын 9 күнүгэр бөх быраҕар массыына суоппара, сыбаалка полигонуттан саҥа төрөөбүт оҕо өлүгүн булла. Эр киһи булумньутун туһунан тута быраабы араҥаччылыыр уорганнарга иһитиннэрдэ.
Силиэстийэлээччилэр быһылаан миэстэтин көрдүлэр. Өлүү төрүөтүн олохтуурга, ону тэҥэ, тыыннаах эбэтэр өлбүт оҕо төрөөбүтүн быһаарыыга судебнай-медицинскэй экспертиза ананна.
