Дьааҥы улууһун Остуолба олохтооҕо анал байыаннай дьайыыттан төннөн кэлэн баран, бэйэ дьыалатын арыйда. Кини кроликтары иитиини саҕалаата.
СВО бэтэрээнэ Николай Д. дьарыктаах буолуу киинигэр үлэ көрдөөн бара сырытта. Предпринимательскай үлэ төрүттэригэр үөрэнэн баран, эр киһи кроликтары иитиигэ бизнес-былаанын ситиһиилээхтик көмүскээтэ.
Кини дьыалатын арыйарыгар биир кэмнээх 150 тыһ солк суумалаах харчынан көмө оҥоһулунна. Салгыы «самозанятай» статуһун ылан, 20 кролигы атыыласта.
Кыыллара турар сирдэрин оҥоһунна, астарын ылла. Николай хаһаайыстыбатын кэҥэттэр былааннаах.
