Өрөспүүбүлүкэ Тыа хаһаайыстыбатын уонна аска-үөлгэ бэлиитикэтин министиэристибэтэ бэркэ тэрийдэ. Атын улуустартан кэлбит сылгыһыттары кытта бары түмсэн үлэҕэ үөрүйэҕи үллэстии бэртээхэй буолла.
Дьааҥы нэһилиэктэрэ бу тэрээһиҥҥэ кыахпыт тиийэринэн кытынныбыт. Суордаахтар уонна дулҕалаахтар Амма хамаандатын көрсөр чиэскэ тиксибиппит. Суордаахтан бааһынай хаһаайыстыбалаах Дмитрий Горохов Бочуоттаах грамотанан наҕараадаланна.
Култуурунай бырагыраамаҕа Сиэйэ уола ырыаһыттардаах кэлэн, барыбытын олус үөртэ. Дьон-сэргэ сэргэхсийдэ.
Сылгыһыт күнүнэн ыытыллыбыт күрэхтэһиигэ аммалар бастаатылар. Мэҥэ Хаҥалас — иккис, Чурапчы — үһүс буоллулар. Бириистэр да ботуччулар. Онон олус үрдүк суолталаах тэрээһин буолла. Бэртээхэй тэрээһинтэн бары астынныбыт, сүргэбит көтөҕүлүннэ, диэн кэпсээтэ Владимир Стручков, Дьааҥы улууһун Суордаах баһылыга.
Хаартыскалары В.Стручков тиксэрдэ
