РФ Бырабыыталыстыбата 2024 сыл сэтинньи 13 күнүнээҕи 1534 №-дээх уурааҕынан байыаннай дьайыыга сылдьан бойобуой эчэйиини уонна эмсэҕэлээһини ылыы иһин биир кэмнээх төлөбүр кээмэйин олохтоото.
Докумуоҥҥа этиллэринэн, биир кэмнээх төлөбүр кээмэйэ байыаннай сулууспалаах байыаннай дьайыы кэмигэр сорудаҕы толоро сылдьан ылбыт эчэйиитэ төһө ыараханыттан уонна категориятыттан тутулуктаах.
Төлөбүрдэр араастаһыылара ыарахан эчэйиини уонна эмсэҕэлээһини ылбыт байыаннай сулууспалаахтарга улахан өйөбүлүнэн буолуоҕа. Уураахха этиллэринэн, эт-хаан ыарахан эчэйиитин ылбыт байыаннай сулууспалаах 3 мөлүйүөн солкуобай суумалаах биир кэмнээх төлөбүрү ылыаҕа.
Кыра эчэйиилээх байыаннай сулууспалаахтарга 1 мөлүйүөн солкуобай төлөбүр олохтоммут. Оттон халымыр эчэйии ылбыт саллаакка 100 тыһыынча солкуобай суумалаах төлөбүр көрүллэр буолбут.
Ааптар: Сайаана Львова, Саха сирэ саайт
