Улуустааҕы пенсионнай фонд салайааччыта Иван Баланов үөрэххэ уонна үлэҕэ пенсия туһунан оҕолорго эрдэттэн билиһиннэрии олус наадалааҕын этэр.
«Оскуолаларынан сылдьан 9-11 кылаас үөрэнээччилэригэр пенсионнай фонд хайдах тэриллибититтэн саҕалаан, ханнык биэнсийэлэр баалларын туһунан кэпсиибит. Үөрэҕи бүтэрэн, үлэһит буолалларыгар бэлэмниибит. Пенсия өттүгэр туох уларыйыылар, ханнык сокуоннар баалларын билиһиннэрэбит», — диир кини.
Бэсиэдэ түмүгэр оҕолор билиилэрин чиҥэтэн, тестирование ыытыллар. Эппиэттэринэн көрдөххө билиини ылыылара үрдүк таһымнаах. «Ол аата мээнэ кэпсээбэт эбиппин дии саныыбын», — диир Иван Михайлович.
Фонд үлэһиттэрэ нэһилиэги барытын хабан үлэлииллэр.
